أهلاً و سهــلاً
من يوم ماسرت أم وأنا حابة أعمل هذا البوست ، بس كنت أحس انه لسة بدري
أو انه لسة ماعندي خبرة كافية.
But now I feel it’s time since my Layla is one year old already 😀
عموماً : هنا دليلك للبقاء على قيد الحياة كأم جديدة.
أمزح طبعاً مبالغة!
الأمومة حلوة بطلعاتها ونزلاتها وكل مافيها
بس حقيقي هذه اشياء بسيطة سهلت عليا أيامي كأم وأشياء ثانية ليلى حبّــتها 🙂
(أشياء مفيدة لكِ كأم من عمر طفلك 0-6 أشهر )
SnuzPod Crib
أتعب و أقول قد ايش السرير ريحني في الشهور الأولى
بالذات انك حتحتاجي تكوني جنب طفلك طول الليل وطول ما انتي نايمة
لأنه حيصحى كل ساعة ساعتين فبدل ماتقومي وتاخديه وتشيليه وترجعيه ووووو
تسحبيه جنبك وقت الرضاعة وخلاص.
والحلو انه هزّاز و يجي 3 في واحد زي ما شايفين في الصورة
احصلي عليه من : Mumzworld
Sleepyhead baby Pillow
ساعدتني لمن أحط ليلى تنام في أي مكان غير سريرها
أو لمن أنومها جنبي عالسرير، وحتى على سريرها كانت تحس إنها كدا محضونة وتنام اكتر بيها 😀
احصلي عليه من:
Hellobaby Monitor
Good quality and a VERY GOOD PRICE!
اشتريت الكاميرا من أمازون، فنانة! اذا بيتك حجمه صغير أو وسط فهي مناسبة جدا لكم
أنصدمت قد ايش جودتها ممتازة مقارنة بسعرها
فيها اضاءة ليلية ومقياس حرارة وتقدري تتكلمي مع طفلك من خلالها.
احصلي عليها من: AMAZON.COM
Mothercare innosense electric steam sterilizer
أتعب وأقول عملي جدا وسهل التنظيف والاستعمال، مرة أوصي بيه!
مايحتاج أقول قد ايش مهم جدا يكون عندك معقم رضاعات وادوات طعام لطفلك
NoseFrida شفاط أنف الطفل
حقيقي إختراع رهيب ومهم جداً يكون عندك
ينظّف الأنف كله بسرعة وبسهووووولة تامة
اكتبي عنه في جووجل أو يوتيوب وشوفي طريقته
لا تقولي وع ومِع وانت لسة ماجربتيه 😛
وكمان نصيحة: لاتجيبي غيره لأنك حتعذبي طفلك وبس
من جد أوصي بيه وبقوه
للأسف مالقيت زيه ولا شبيه له في جدة أو في السعودية
لكن تلاقيه أونلاين في Mumzworld
مرتبة لعب قابلة للنفخ من Fisher Price
احلى اختراع!
المرتبة دي مرة حيحبها طفلكم لأنها كمان تتنفخ فيعطيه احساس حلو وهوا فوقها
تتنفخ وتتنسّم وتتطبق وتتمسح وتنغسل بالموية كمان
كنت اخدها معايا في السفر لأنها سهلة تنشال معاكم وتنحط في شنطة كبيرة
حاولو تجيبوها قبل مايبدأ او يتعلم طفلكم انه يقلب او يتحرك
تلاقوها في Mumzworld
baby soft cubes
مكعبات الطفل الطرية
حتلاقوها في أي مكان يبيع ألعاب واغراض الرضع والأطفال
حقت ليلى اشتريتها من مذركير.
ليلى مرة اتفاعلت معاها من وعمرها 3 شهور لين 9 شهور تقريبا وهي تحبها وتلعب فيها
(أشياء من عمر طفلك 6-12 أشهر )
Philips AVENT Combined Baby Food Steamer and Blender
خلاط ومحضّر طعام الطفل
مو مهم لأنه تقدري تستغني عنه ب (طريقة السلق بالبخار التقليدية)
بصراحة هو يحفظ وقتك و سهل الاستعمال
سلبيته الوحيدة انه مو سهل التنظيف ابدا!
تلاقوه في Mothercare أو Mumzworld
أدوات حفظ الطعام (مهمة جداً لمن يبدأ الطفل ياكل) .
-Essentials for when baby starts solids-
Tomee Teppee علبتين حفظ طعام من
ممتازة وفادتني لمن اخرج كثير لأن حجمهم ممتاز جدا لشنطة الطفل، بس احط معاهم ملعقة في كيس نايلون معقم.
تلاقوه في Toys R US أو Mumzworld
Eazy Kids Plate – Baby Food Freezer Tray
حافظة تجميد (أو تفريز) طعام الطفل
سيليكون وضغّاطة، تسهل عليكم تخرّجو الأكل المجمد منها عكس البلاستيك تستنوه يفك منه التلج شوية ومدري ايش
تلاقوها في Mumzworld
ملعقة Munchkin سيليكون ضغّاطة
تلاقوها في Mothercare | Mumzworld
فكرتها تحط فيها الأكل وتضغط وحينزل عالملعقة وتطعم طفلك بكل بساطة
الأكل السائل والناعم فقط) مايكون في قطع ، يعني بداية مرحلة الطعام)
حتفديكم جدا لمن يبدأ الطفل ياكل للخرجات والزيارات وكمان السفر طبعا بالذات
ماتحتاجو ملعقة وصحن وعلبة وووو
حطو الأكل فيها واخرجو ، وأحلى شي انها تجي مع غطاء
first steps baby walker
المشاية هذه ليلى مرررررة تحبها! احسها مناسبة لمن الطفل يبدأ يوقف بنفسه
وكمان فيها ألعاب وحجمها مناسب فتقدرو تاخذوها معاكم اثنين في واحد لأي مكان .
تلاقوها في أي مكان يبيع ألعاب أطفال زي سنتربوينت مثلا
.
.
.
و بس.
معليش لو حسيتو البوست شوية عشوائي ، حاولت افتكر اكتر الاغراض اللي فادتني
عن نفسي كانت الاختيارات اللي أمامي كثيييييرة
فقررت إني حقيقي أجيب أهم شي واكتر شي حيفيدني
كل أم تختلف احتياجاتها ، حاولي دايما تقللي الأغراض في البداية قد ماتقدري لأنه استعمالها محدود وتخزينها مو سهل لو كثرت
اتبعي حدسك وراحتك كأم
و استمتعي بأمومتك مهما صعبت ، و افتكري انها بحلوها ومُرّهـا حتعدّي زي الهوا ❤️
.
.
.